GUSTO ni Pangulong Rodrigo Roa Duterte na dalhin ang mga government vaccinator sa bahay ng indigent communities o sa squatters area para mabigyan ng COVID-19 doses.
“We are thinking of going mobile . . . my order now is for the team to give you the vaccine,” ayon kay Pangulong Duterte sa kanyang public address, Lunes ng gabi.
“We will use all government assets . . .everybody must contribute and all departments must take note of this, this is not just a fight against COVID-19, but a fight against despair and hopelessness,” dagdag na pahayag nito.
Iyon nga lamang, tila kinontra ni Health Secretary Francisco Duque III ang direktibang ito ng Chief Executive sa dahilang mangangailangan ng mas maraming tauhan kapag ipinatupad ito.
Aniya, ginagawa naman ito sa tinatawag na fixed sites para maobserbahan mabuti ang posibleng side effects sa mababakunahan. (CHRISTIAN DALE)
392 
